Syla për emërimin e Vitisë: Nuk kanë njerëz dhe i riciklojnë të vjetrit
Arben Vitia me vendim të Qeverisë Kurti është emëruar përsëri ministër i Shëndetësisë.
"Kryeministri i Republikës së Kosovës, Albin Kurti, sot ka emëruar Arben Vitinë, Ministër për Shëndetësi, të cilit i ka uruar suksese në plotësimin e detyrave dhe përgjegjësive të tij.", thuhet në njoftimin e ZKM-së.
E për këtë emërim ka reaguar gazetari, Valon Syla.
Syla ka thënë se ende pa u bërë dy vitet, Qeveria Kurti ka filluar të riciklojë ministrat.
Ai ka shkruar në Facebook se emërimi i Vitisë në pozitën e ministrit të Shëndetësisë tregon që Qeveria Kurti nuk kanë njerëz dhe riciklojnë të vjetrit dhe se nuk shkon askush në partin e tyre.
“Vetëvendosje ende pa i bo 2 vjet mirë, filloj me riciklim të ministrave, sikur rasti me emërimin e Vitisë në Shëndetësi. Kjo i kallxon dy të vërteta për VV; 1. Nuk kanë njerëz, dhe i riciklojnë të vjetrit. 2. Nuk ju vjen më askush cilësor në parti. Kaq.”, ka shkruar ai në Facebook.
Ndërkohë përveç Sylës, rrjetet sociale janë mbushur me reagime për emërimin e ri.
Arben Vitia kishte dhënë dorëheqje nga ministria e Shëndetësisë pasi kishte kandiduar për kryetar të Prishtinës.
Vitia nuk arriti të zgjedhej kryetar i Prishtinës dhe pastaj u punësua në një spital privat.
