Sveçla shumë i shqetësuar për incidentin në Leposaviq: Policia u godit qëllimisht
Edhe ministri i Punëve të Brendshme Xhelal Sveçla ka reaguar pas incidentit të fundit në veri të Kosovës.
Përmes dy postimesh në llogarinë e tij në Twitter ai ka thënë se është “thellësisht i shqetësuar” për incidentin e fundit në komunën e Leposaviqit.
“Dy persona me një veturë, provuan t’i shmangeshin kontrollit të Policisë. Ata e goditën veturën e Policisë së Kosovës me qëllim dhe i vendosën jetërat e zyrtarëve policorë në rrezik. Zyrtarët policorë u detyruan që të gjuanin me armë zjarri në drejtim të veturës për të neutralizuar situatën,” – shkruan z. Sveçla në gjuhën angleze.
Më pas, ai shprehet edhe se “po ndërmirret një hetim dhe ku është e përfshirë në mënyrë aktive Inspektoriati i Policisë së Kosovës.”
Deeply concerned about the recent incident in Leposaviq.Two persons with a vehicle,attempt to evade a police checkpoint.They hit KP car intentionally and put the lives of police officers in danger. KP officers were forced to fire at vehicle's direction to neutralize situation.1/2
— Xhelal Sveçla (@XSvecla) January 23, 2023
Ai shprehet qartë se asnjë formë e dhunës ndaj policëve “nuk do të tolerohet”.
“Mbrojtja e qytetarëve dhe forcave të rendit është top-prioriteti ynë.” – ka shkruar ai.
