Surroi e kritikon Ramën: E mëson Kosovën si të ndihet për Hagën e UÇK-në
Edi Rama, kryeministër i Shqipërisë, dje mbajti një fjalim 90-minutësh në Kuvendin e Shqipërisë, ku foli për Kosovën, dialogun, sulmin terrorist në Banjskë, Hashim Thaçin, Ibrahim Rugovën, Aleksandër Vuçiqin e shumçka tjetër.
Ndonëse fjalimi i Ramës zgjati 5400 sekonda, Veton Surroi, opinionist i njohur, e ka cilësuar si fjalim të padobishëm për Procesin e Berlinit.
“Nga gjashtë shtetet e Ballkanit Perëndimor, Shqipëria ishte më e dalluar në sfidat e identitetit të shtetësisë. Kryeministri Rama në fjalimin e tij 90 minutësh të fajësimit dhe turpit i tregoi Kosovës çfarë të bëjë në negociatat me Serbinë, çfarë të ndiej për Gjykatën e Hagës, UÇK-në dhe politikanët e saj. Ky fjalim e bashkoi Shqipërinë me të tjerët. E padobishme për Procesin e Berlinit.” – shkroi Surroi në X.
Of 6W.Balkan countries🇦🇱 was outlier in identity challenges of statehood. PM Rama in 90 min. blame&shame speech told 🇽🇰 what to do in negotiations with 🇷🇸, what to feel about Hague court, KLA and their politicians. This speech joined 🇦🇱 with others. Unhelpful for Berlin process. pic.twitter.com/hhIjbyZht3
— VetonSurroi (@VSurroi) October 13, 2023
