Sulmi në Magdeburg: Ambasadori gjerman falënderon Kosovën për mesazhet e solidaritetit
Një ngjarje tragjike ndodhi të premten në Magdeburg të Gjermanisë, ku pesë persona humbën jetën pas një sulmi me automjet në tregun e Krishtlindjes. Mes viktimave ishte edhe një fëmijë nëntëvjeçar, ndërsa dhjetëra të tjerë mbetën të lënduar.
Në shenjë solidariteti, Kosova shprehu mbështetjen për popullin gjerman.
Ambasadori i Gjermanisë në Kosovë, Jorn Rohde, ka falënderuar të gjithë kosovarët për mesazhet mbështetëse.
"Dua të falënderoj Kosovën për të gjitha mesazhet e solidaritetit në 2 ditët e fundit. Dhimbje e thellë për ngjarjet në Magdeburg, por edhe mirënjohje për momentet domethënëse dje në koncertin tonë X-Mas në Gjakovë, duke na kujtuar atë që ka vërtet rëndësi: Dashuria dhe paqja, jo urrejtja dhe dhuna." - shkroi Rohde.
I want to thank 🇽🇰 for all the messages of solidarity in the last 2 days. Deep sorrow over the events in Magdeburg, but also gratitude for the meaningful moments yesterday at our X-Mas concert in Gjakova, reminding us of what truly matters: Love and peace, not hate and violence. pic.twitter.com/O2RsfapgAd
— Ambassador Jörn Rohde (@GermanAmbKOS) December 22, 2024
