Sulmet izraelite në jug të Libanit lënë 15 të vrarë, përfshirë disa fëmijë

Një sulm izraelit në fshatin Erkay të Libanit la të vrarë nëntë njerëz, përfshirë pesë fëmijë, tha Ministria e Shëndetësisë, duke shtuar se shtatë të tjerë u plagosën.

Një fotograf i agjencisë së lajmeve “Associated Press”, i cili e vizitoi vendin e ngjarjes, gjeti disa ndërtesa të bërë rrafsh me tokën dhe shkatërrim të gjerë. Punëtorët e shpëtimit po kërkonin në rrënoja.

Dy sulme të tjera izraelite në jug të Libanit lanë gjashtë të vrarë, tha Ministria e Shëndetësisë.

Ofensiva e re izraelite në Liban filloi më 2 mars, pasi Hezbollahu hodhi raketa në drejtim të veriut të Izraelit në ditët e para të luftës së nxitur nga sulmi amerikano-izraelit ndaj Iranit.

Më herët të enjten, kjo ministri tha se 687 njerëz janë vrarë në Liban që nga dita kur nisi përshkallëzimi, përfshirë 98 fëmijë e 62 gra.

Nga sulmet izraelite gjithashtu janë vrarë 18 mjekë e punëtorë të shpëtimit si dhe janë plagosur 1.774 njerëz.