Stabilizohet gjendja e bashkëshortes së Walker, lirohet pas trajtimit mjekësor
Bashkëshortja e ambasadorit William Walker ka pasur dje një shqetësim shëndetësor gjatë vizitës në qytetin e Vitisë. Ajo u trajtua nga ekipi i Qendrës Kryesore të Mjekësisë Familjare.
Drejtoresha e QKMF-së në Viti, Vjollca Kadolli, ka bërë të ditur se pas trajtimit të shpejtë, gjendja shëndetësore e saj është stabilizuar dhe ajo është liruar për të vazhduar me aktivitetet e planifikuara.
Siç raportojnë mediat lokale, reagimi profesional i Qendrës së Emergjencës në Viti ishte kyç për menaxhimin me sukses të situatës. Me këtë rast, ambasadori Walker ka falënderuar stafin mjekësor për ndërhyrjen e tyre profesionale.
