Sot mot i ngrohtë dhe me diell: Temperaturat arrijnë në 18°C

Instituti Hidrometeorologjik i Kosovës ka bërë të ditur se dita e sotme pritet të sjell përmirësim të ndjeshëm të kushteve atmosferike në mbarë vendin.

Sipas IHMK-së, dita e sotme do të mbajë mot kryesisht me diell, shoqëruar herë pas here me vranësira të shpërndara kalimtare, duke ofruar kushte ideale për përmbylljen e fundjavës.

Temperaturat minimale: Orët e para të mëngjesit mbeten të freskëta, ku termometri do të shënojë vlera ndërmjet 1°C dhe 3°C.

Temperaturat maksimale: Gjatë mesditës pritet një rritje e ndjeshme, me temperaturat që do të arrijnë maksimale pranverore nga 15°C deri në 18°C.

Era do të fryjë nga drejtimi i verilindjes me një intensitet të lehtë deri mesatar, duke mbajtur ajrin të pastër pa krijuar shqetësime.