Siria raporton për 11 ushtarë të vrarë nga SDF-ja e udhëhequr nga kurdët pas armëpushimit

Ministria e Mbrojtjes e Sirisë tha të mërkurën se 11 ushtarë u vranë dhe më shumë se 25 të tjerë u plagosën gjatë sulmeve nga Forcat Demokratike Siriane (SDF) të udhëhequra nga kurdët pas një armëpushimi të shpallur, raportuan mediat shtetërore.

Agjencia shtetërore e lajmeve më vonë publikoi një listë me emrat e ushtarëve dhe me vendet ku ishin vrarë ata, raporton agjencia e lajmeve “Reuters”.

Qeveria siriane njoftoi një armëpushim 4-ditor pas një marrëveshjeje të re me Forcat Demokratike Siriane duke filluar nga ora 20:00 të martën, sipas kohës lokale.

Një ditë më parë, gazeta “Nacionale” publikoi të përkthyer një raport të agjencisë “Reuters” në të cilin thuhej se Siria u kishte dhënë afat katër ditë kurdëve për ta pranuar integrimin në institucionet qendrore pas shenjave se mbështetja e Shteteve të Bashkuara për SDF-në po merr fund.

Për ta lexuar këtë artikulli, klikoni këtu.