Shpërthimi në veri, Hovenier: I tronditur thellë, autorët të dalin para drejtësisë
Ambasadori i Shteteve të Bashkuara të Amerikës në Prishtinë, Jeff Hovenier, ka reaguar pas shpërthimit me bombë në Mitrovicën e Veriut. Hovenier u ka bërë thirrje institucioneve të Kosovës që të kryjenë hetim të plotë dhe të nxjerrin autorët para drejtësisë.
Me anë të një shkrimi në platformën X, Hovenier ka thënë se është tronditur nga shpërthimi në veri të vendit.
“I tronditur thellë kur lexova raportet e mjeteve shpërthyese të përdorura në shumë pjesë të Kosovës. Ne i dënojmë këto akte dhune dhe u bëjmë thirrje autoriteteve të kryejnë një hetim të plotë dhe të nxjerrin autorët para drejtësisë”, ka shkruar Hovenier.
Deeply dismayed to read reports of explosive devices used in multiple parts of Kosovo. We condemn these acts of violence and call on the authorities to conduct a thorough investigation and bring the perpetrators to justice.
— Ambassador Jeff Hovenier (@USAmbKosovo) September 22, 2023
