Shpërthimi i bombolës së gazit në Mitrovicë, Hamza: Disa nga të lënduarit janë në gjendje më të rëndë

Në ngjarje e rëndë ka ndodhur sot në qytetin e Mitrovicës ku një një bombol e gazit ka shpërthyer, duke rezultuar në lëndimin e disa personave.

Lidhur me rastin është deklaruar edhe kryetari i Mitrovicës, Bedri Hamza, i cili deklaroi se të lënduarit janë nga e njëjta familje.

“Isha edhe brenda. Sipas informatave ka prej tyre që e kanë shkallën e lëndimit më të madhe, e disa më të vogël. Uroj që të gjithë të jenë mirë e të mos kenë rrezik për jetë e iu uroj shërim të shpejt dhe shfrytëzoj rastin t’i falënderoj mjekët për një punë dhe përkushtim të jashtëzakonshëm”, tha Hamza për Klan Kosovën.