Shpërthim me bombë pranë ambasadës ruse në Kabul, dy të vdekur e disa të plagosur

Zyrtarët në Afganistan kanë bërë të ditur se dy persona janë vrarë dhe disa të tjerë janë plagosur pas një shpërthimi me bombë pranë hyrjes së ambasadës ruse në Kabul.

Ministria e Jashtme në Moskë ka bërë të ditur se viktimat janë personel i ambasadës ruse, ndërsa ka njoftuar edhe për viktima të tjera afgane.

Më herët, agjencia shtetërore e lajmeve RIA raportoi se një diplomat dhe një roje sigurie e ambasadës ishin plagosur në një sulm të dukshëm vetëvrasës.

Deri më tani asnjë grup nuk ka marrë përgjegjësi për sulmin.

Policia në Kabul tha se sulmuesi i mundshëm vetëvrasës kishte në shënjestër ambasadën, por ishte qëlluar për vdekje ndërsa po afrohej, duke rezultuar në shpërthimin e eksplozivëve të tij.

Rusia është një nga vendet e pakta që ka një prani diplomatike në Afganistan pas marrjes së pushtetit nga talebanët.