Serbia s'i lejon Sveçlën e Bislimin të vizitojnë Luginën e Preshevës
Serbia ia ka ndaluar hyrjen në Luginën e Preshevës zëvendëskryeministrit Besnik Bislimi dhe ministrit të Punëve të Brendshme, Xhelal Sveçla.
RTK raporton se lajmi është konfirmuar nga Këshilli Kombëtar Shqiptar në Luginën e Preshevës.
Bislimi e Sveçla kishin planifikuar që të vizitojnë Preshevën pak ditë para takimit mes kryeministrit të Kosovës, Albin Kurti dhe presidentit të Serbisë, Aleksnadar Vuçiq, me ndërmjetësimin e BE-së.
Vizita nuk do të realizohet dhe raportohet se është shtyrë për një afat tjetër të papërcaktuar.
