Senatori republikan paralajmëron Trump-in kundër ndaljes së ndihmës ushtarake për Ukrainën
Senatori republikan Graham paralajmëron Trump-in kundër ndaljes së ndihmës ushtarake dhe ndarjes së inteligjencës me Ukrainën
Senatori republikan Lindsey Graham thotë se është “i shqetësuar” për vendimin e administratës Trump për të ndaluar ndihmën ushtarake dhe ndarjen e inteligjencës me Ukrainën, shkruan CNN.
"Për aq kohë sa luftimet vazhdojnë, nëse ne e heqim mbështetjen për Ukrainën, do të ishte më keq se Afganistani. Nuk mendoj se Presidenti Trump ka ndonjë dëshirë për ta bërë këtë," tha Graham në një intervistë për “Fox News Sunday.”
“Por deri sa të kemi një armëpushim, unë do t'i jepja Ukrainës gjithçka që i nevojitet, si në aspektin e inteligjencës ashtu edhe të armëve për t'u mbrojtur.”
Graham tha se ka folur me këshilltarin e sigurisë kombëtare, Mike Waltz, "para disa ditësh", dhe se qëllimi i SHBA-së është të "përfundojë luftën në mënyrë të ndershme dhe të drejtë". Ai shtoi se Presidenti ukrainas, Volodymyr Zelensky, "e dështoi" takimin e tij të fundit të tensionuar në Zyrën Ovale me Presidentin Donald Trump.
