Sami Lushtaku njofton për vdekjen e Zejnullah Prokshit, njërit prej eprorëve të njohur të UÇK-së

Sami Lushtaku ka bërë të ditur vdekjen e Zejnullah Prokshit, komandantit të njohur të UÇK-së.

Ai ka thënë se Prokshi angazhimin e tij e ka vazhduar edhe në TMK e FSK.

Postimi:

Më pikëllim mora lajmin për vdekjen e bashkëluftëtarit, eprorit të Ushtrisë Çlirimtare të Kosovës në Brigadën 114 "Fehmi Lladrovci", Zejnullah Prokshi.

Zena ishte prej organizatorëve të shquar të luftës, strateg i rrallë dhe i disiplinuar.

Veprimtarinë në shërbim të vendit e vazhdoi edhe pasluftës në Trupat Mbrojtëse të Kosovës dhe më pas edhe në Forcën e Sigurisë së Kosovës.

Do ta kujtojmë gjithmonë për kontributin e tij në shërbim të lirisë, pavarësisë dhe shtetndërtimit të Kosovës.

Ngushëllime familjes Prokshi, miqve dhe dashamirëve.

Pushoftë në paqe!

SL