Rukiqi, Durmishit: Dostit tënd të kompanisë “Bageri” tre tendera sekret, pa përfshirë edhe aneks kontratat
Lidhja Demokratike e Kosovës ka vazhduar elaborimin e tenderëve njëburimor – në shpjegimin e tyre, tendera sekret / tendera për dosta – për çka edhe Berat Rukiqi shpërndaru një video ku zëvendës/ministri i infrastrukturës, Hysen Durmishi, kishte pranuar publikisht se “e kam shok” pronarin e kompanisë “Bageri”; kompani e cila ka marrë “tre tendera sekret”.
“Tenderat sekret, janë bash për dosta Zëvendësministri i Infrastrukturës Hysen Durmishi, e ka shpërbly dostin e vet të ngushtë të kompanisë ‘Bageri’, me 3 tendera sekret, pa përfshirë këtu edhe aneks kontratat. Durmishi e ka pranu publikisht që e ka dost Shabanin e ‘Bagerit’, por kjo nuk i ka pengu me vazhdu me i bë favore në tendera”, ka shkruar Rukiqi.
