Rrëshqitje masive dheu në Indi, dyshohet për mbi 60 të vdekur

Të paktën shtatë persona është vërtetuar se kanë vdekur dhe 55 të tjerë besohet se gjithashtu e kanë humbur jetën nga rrëshqitjet masive të dheut në një zonë të skajshme të rajonit verilindor indian, Manipur, thanë të enjten zyrtarët lokalë.

Punëtorët e shpëtimit u ballafaquan me reshje të dendura për t’i tërhequr 19 të mbijetuar nga rrënojat të enjten në mëngjes, pasi rrëshqitja ndodhi në një zonë ndërtimi të hekurudhës.

“Ishin gjithsej 81 persona. Gjasat për mbijetesë të 55 të tjerëve janë shumë të vogla duke e marrë parasysh faktin se rrëshqitja ndodhi rreth orës 2 të mëngjesit”, tha një zyrtar lokal.