Raportohet se Kurti shkon në Maqedoni të Veriut të hënën
Kryeministri i Kosovës, Albin Kurti, raportohet se të hënën do të jetë në Maqedoni të Veriut, raportoi mediumi Albanian Post, duke cituar Ministrin e Shëndetësisë atje, Arben Taravarin, ndonëse konfirmim nga ZKM-ja për këtë nuk ka.
“Unë me sa e di, kryeministri Kurti vjen ne Maqedoninë e Veriut të hënën”, tha shkurtimisht ai.
Kohëve të fundit një incident i paprecedentë ka nodhur në Maqedoni të Veriut ku ka pasur edhe mësymje fizike nga personeli i sigurisë ndaj Presidentes së Kosovës, Vjosa Osmani, të cilës është tentuar t’i konfiskohet telefoni kundërligjshëm dhe kundër çdo konventeje ndërkombëtare.
Ministria e Punëve të Jashtme e Kosovës ka dërguar notë proteste në RMV ku ka kërkuar qartësim të situatës dhe ndërmarrje të masave ndaj përgjegjësve.
