Raportohet për shpërthim në një depo municionesh në Krime

Sipas raportimeve të medieve lokale, një depo municionesh në fshatin Maiskoye, në pjesën veriore të Krimesë, është përfshirë nga zjarri.

Udhëheqësi administrativ i Krimesë, i emëruar nga Rusia, Sergei Aksyonov, citohet të ketë thënë: “Shpërthimi i municionit ndodhi në veri të Krimesë.” Raportohet se banorët janë duke u evakuuar.

Agjencia ruse e lajmeve, “RIA Novosti”, raportoi se edhe një nënstacion transformatorësh gjithashtu u përfshi nga flakët në qytezën Dzhankoy të Krimesë.