Ramadani-Sveçlës: Shkruaje komunikatën edhe në serbisht për mallrat serbe, se ata janë përfituesit
Pasi lëshoi një komunikatë ku njoftonte për lejimin e mallrave serbe në pikëkalimin kufitar në Merdare – Ministri i Punëve të Brendshme, Xhelal Svçela, shkroi në gjuhën shqipe dhe angleze.
Ish-kryeinspektori i Agjencionit Kosovar për Inteligjencë, Burim Ramadani, reagoi ndaj Sveçlës duke i thënë “shkruaje edhe në serbisht, sepse ata janë përfituesit”.
Postimi i Ramadanit:
Ministër Sfeçla, bëje njoftimin në serbisht për kufijtë, ata janë përfituesit!
Njoftimin për lejimin e mallrave serbe në Kosovë më së paku keni nevojë ta bëni në shqip dhe anglisht.
Bëjeni serbisht, sepse ata janë përfituesit kryesorë.
Mallrat e Serbisë nga prodhues të shumtë të lidhur me Vuçiqin, Vulinin, Radojçiqin, Gasheviqin, Vuçeviqin e Knezeviqin.
Bëjeni serbisht sepse tregu i Kosovës u rihap për Serbinë gjenocidiale, që nuk e ka dorëzuar Radojçiqin dhe terroristët tjerë.
