Rama e demanton Pecin: Dokumentacioni për ndërtesën s’është i kompletuar

Kryetari i Prishtinës Përparim Rama, e ka demantuar ministrin e Pylltarisë dhe Zhvillimit Rural Faton Pecin në lidhje me dokumentacionin për kushtet ndërtimore për ndërtesën e Ministrisë.

Rama ka thënë se dokumentacioni i lëshuar nga minstria s’është i plotë, teksa është habitur se si një ministër po gjen kohë të merret me gjendjen shëndetësore të familjarëve dhe pushimet personale të stafit të Kryeqytetit.

E plotë:

Demant

Përmes këtij reagimi, institucionet e Kryeqytetit përgënjeshtrojnë pretendimet e Ministrit të Bujqësisë, Pylltarisë dhe Zhvillimit Rural për vonesat e shkaktuara nga organet e Kryeqytetit për t'u pajisur me kushtet ndërtimore për ndërtesën e Ministrisë.

Më tutje, sqarojmë se dokumentacioni i dorëzuar nga Ministria është i pakompletuar sepse i mungon dokumenti i matjeve gjeodezike, i cili është i domosdoshëm për lëshimin e kushteve ndërtimore.

Përndryshe jemi të habitur me aftësinë dhe kohën që gjen një ministër i Qeverisë së Republikës së Kosovës për t'u marrë me gjendjen shëndetësore të familjarëve dhe pushimet personale të stafit të Kryeqytetit.

I juaji,

Përparim Rama

Kryetar i Kryeqytetit