Quni ka votë për Bekim Sejdiun si kandidat për president

Anton Quni i Lidhjes Demokratike të Kosovës ka njoftuar para mbledhjes së grupit parlamentar të LDK-së që mbështet Bekim Sejdiun si kandidat për president.

Ai tha se familjen e tij e njeh nga koha e luftës.

“Përveç atyre fakteve që numërohen nga liderët partiakë dhe shumë të tjerët që e njohin nga afër, unë mundem me shtu edhe disa çështje që unë i njoh për se afërmi, pasiqë familjen Sejdiu e njoh që nga viti 98, në kohë të vështira për Kosovën, për popullin shqiptar ku disa nga burrat e familjes Sejdiu kanë qenë pjesë e luftës së Kosovës, një ndër ta ka qenë Naim Sejdiu, familjar shumë i afërt i Bekim Sejdiut dhe nëpërmjet tij e kam krijuar përshtypjen për familjen Sejdiu.”, ka deklaruar Quni.