Qeveria Kurti me strategji të re marketingu, del me top-listë të javës
Duket se Qeveria Kurti II ka nisur me një strategji të re marketingu për shkak të humbjes së popullaritetit gjatë muajve dhe viteve të fundit.
Zëdhënësi i Qeverisë, Përparim Kryeziu, ka shpërndarë në Facebook një postim ku shihet një fotografikë e një top-liste.
Aty janë numëruar “top 5 ngjarjet e javës me Qeverinë Kurti”. Megjithëse formulimi i fjalisë është paksa i çuditshëm, mund të kuptojmë se bëhet fjalë për ngjarjet të cilat në një mënyrë a tjetrën janë ndikuar nga vendime të qeverisë.
Por, ndoshta kriteri është i zgjeruar dhe mund të kemi edhe ngjarje të cilat kanë ndodhur pavarësisht Qeverisë, siç ishte rasti i Manifestës.
Ngjarja më e rëndësishme e vendosur është “hapja e aplikimit për një të punësuar në familje”.
Si ngjarje e dytë është numëruar nisja e festivalit kulturor “Manifesta XIV”, e që nuk dihet se çka ka të bëjë me Qeverinë Kurti.
Po ashtu, aty është vendosur edhe martimi i marrëveshjes për studimin e fizibilitetit për hekurudhën Durrës-Prishtinë.
Nuk dihet nëse në përzgjedhjen e këtyre “ngjarjeve” është përfshirë edhe vetë kryeministri i Kosovës, Albin Kurti.
