Qeveria e Kurtit publikon letrën e Edi Ramës për 17-vjetorin e pavarësisë
Qeveria e Kosovës ka publikuar letrën e marrë nga kryeministri shqiptar, Edi Rama për 17 vjetorin e pavarësisë.
Në komunikatë, Qeveria thotë se Kurti pranoi urime nga Rama.
"Përtej sfidave të shumta e sakrificave të mëdha, me mbështetjen e vazhdueshme dhe të pakursyer të aleatëve tanë të pazëvendësueshëm, Shteteve të Bashkuara të Amerikës dhe Bashkimit Evropian, Republika e Kosovës ka shënuar arritje të paimagjinueshme në ndërtimin e institucioneve demokratike dhe Shtetit të së Drejtës” – është citati që ka ndarë qeveria nga kjo letër.
