Që nga 2019 Gjermania i ka dhënë Kosovës pajisje ushtarake dhe të sigurisë në vlerë 5.8 milionë euro

Gjermania – që nga viti 2019 – Kosovës i ka dhënë 5.8 milionë euro pajisje ushtarake dhe pasisje për institucionet e saj të sigurisë, njoftoi në një komunikatë për media ambasada gjermane në Prishtinë.

“FSK-ja i është bashkuar Iniciativës Gjermane për Përmirësim dhe Mundësim në vitin 2019, që kur Gjermania u ka ofruar institucioneve të sigurisë në Kosovë pajisje në vlerë prej 5.8 milionë euro, duke përfshirë një fabrikë për pastrimin e ujit, dy transportues të mallrave të rrezikshme, dhjetë kostume për mbrojtjen nga bomba dhe - vetëm dje - pesë. kamionë për regjimentin logjistik të FSK-së”, thuhet në komunikatë për media.

“Ka gjithashtu plane për pajisjen e plotë të Qendrës Ndërkombëtare të Trajnimit të Kërkimit dhe Shpëtimit përpara fundit të këtij viti. Si pjesë e Asistencës së saj për Trajnim Ushtarak, Gjermania ofron deri në 15 vende trajnimi të financuara plotësisht për pjesëtarët e FSK-së në programe të tilla si kurse trajnimi për oficerë dhe kurse master”, thuhet në komunikatë.