PSD-ja prezanton programin e saj në Pejë
Aktivistët e Partisë Socialdemokrate sot kanë vazhduar ta prezantojnë programin e saj para qytetarëve të Pejës.
Kryetar i kësaj partie, Dardan Molliqaj, se bashku me disa aktivistë kanë takuar shumë qytetarë të kësaj komune, ku kanë diskutuar rreth programit Bazë.
“Sot u takuam me qytetarët e Pejës për të diskutuar rreth programit Bazë. Mirëqenie, barazi, drejtësi e solidaritet; kjo është pikënisja e bazës synimi i së cilës do të jetë ndërtimi i një bazamenti sigurie për çdo qytetar të Kosovës. Nesër do të vizitojmë qytetin e Ferizajit. Shihemi aty!”, është thënë në njoftimin e PSD-së.
