Pritjet për kalimin e kufirit: Në piken Dheu i Bardhë pritja është deri në 1 orë e 20 minuta

Qendra Kombëtare për Menaxhim Kufitar ka treguar gjendjen në pikëkalimet kufitare.

Për shkak se një numër i madh i mërgimtareve tani po kthehen në vendet ku punojnë dhe jetojnë, pritjet në kufij janë shtuar.

Në përditësimin e fundit që ka bërë kjo qendër tregohet se pritjet më të gjata janë në piken kufitare Dheu i Bardhë, Merdare dhe Mutivodë.

Sipas këtij njoftimi, kolona te Dheu i Bardhë ka shkuar në 450 metra, kurse pritja për dalje nga Kosova është deri në 1 orë e 20 minuta.

Kufiri kalohet më shpejt në Merdare.

Sipas të dhënave të qendrës pritja në këtë pikë është 40 minuta, kurse kolona 300 metra. Edhe më të vola janë pritjet në Mutivodë.