Policia konfiskon armë e pajisje për prodhimin e kriptovalutave në veri

1 vit më parë

nga NACIONALE

Policia e Kosovës ka konfiskuar armë, pajisje për prodhimin e kriptovalutave dhe pajisje të tjera të dyshimta në Mitrovicën e Veriut.

Përmes një komunikate për media, policia ka bërë me dije se në një lokacion, janë gjetur dhe konfiskuar:

“ • Një armë e gjatë(pushkë ajrore),

• Pesë (5) Kartela Grafike për prodhimin e Kriptovalutave me pajisje përcjellëse,

• Dyzet e dy (42) minera për prodhim të Kriptovalutave me pajisje përcjellëse,

• Një (1) shtëpizë e Kompjuterit

• Një (1) karikator i revoles

• Katërmbëdhjetë (14) fishek të revoles kalibri 9 mm

• Një (1) Radiolidhje

• Një (1) kamerë vëzhgimi,

• Një (1) Divijar,

• Një (1) vulë metalike dhe

• Një (1) Letërnjoftim”.

Policia ka bërë me dije se aparatet për prodhimin e kriptovalutave do t’i dorëzohen Doganës.

Po ashtu, është njoftuar se nuk ka persona të arrestuar, por se pritet të intervistohet një person.