Policia jep detaje për shpërthimin e granatës së dorës në lagjen "Kodra e Trimave" në Prishtinë
Një granatë dorë ka shpërthyer në rrethana të panjohura deri më tani të mërkurën mbrëma në rrugën “Fahri Fazliu” në Prishtinës.
Sipas raportit 24 orësh të PK-së, dy persona “kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një veturë.”
“Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura.” – bën të ditur PK-ja.
Njoftimi i plotë:
SHKAKTIM I RREZIKUT TË PËRGJITHSHËM
Rr. Fahri Fazliu, Prishtinë 22.11.2023-23:45. Njësitet policore pas pranimit të informatës për një shpërthim, kanë dalë në vendin e ngjarjes, dhe kanë takuar dy ankuese kosovare, të cilat kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një veturë. Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura. Lidhur me rastin është informuar edhe prokurori, ndërsa njësitet policore janë duke hetuar rastin.
