Policia arreston dy të rinj në Ferizaj, njëri për dhunim e tjetri për grabitje
Policia e Kosovës ka njoftuar se stacioni policor në Ferizaj ka arritur të arrestoj dy persona, të cilët ishin në kërkim.
Sipas njoftimit, personi i parë me inicialet E.K., i moshës 19-vjeçare ishe në kërkim për veprën penale “Dhunim”.
“Në rrugën “At Nikë Prela” në Ferizaj, në shtëpinë e tij është arrestuar i dyshuari E.K. (19 vjeç), i cili ishte i kërkuar për veprën penale “Dhunim”. Pas arrestimit, ai është dërguar për vuajtje të dënimit prej dy (2) vitesh.” – thuhet në njoftim.
Ndërsa, personi i dytë, E.A., 18-vjeç ishte në kërkim për “Grabitje”.
“Në një rast tjetër, në fshatin Dubravë, është arrestuar i dyshuari E.A. (18 vjeç), i kërkuar për veprën penale “Grabitja”. Edhe ai është dërguar për vuajtje të dënimit prej një (1) viti.” – thuhet tutje në njoftim.
