Plagoset një burrë në Vushtrri pas problemeve për një pronë

Një person është plagosur me armë zjarri si shkak i një problemi për pronë në Vushtrri.

Deri të plagosja erdhi pas problemeve për një pronë mes tre personave.

Sipas raportit 24 orësh të PK-së, janë arrestuar dy të dyshuar dhe njëri nga ta është dërguar në mbajtje.

“Në vendin e ngjarjes është gjetur dhe sekuestruar një pistoletë me 9 fishekë, një gëzhojë dhe një kaçavidë.” – thuhet në raport.

Raporti i plotë:

VRASJE NË TENTATIVË

Vushtrri 20.02.2024 - 11:30. Raportohet se për arsye të një prone ka ardhur deri te rrahja në mes tre personave meshkuj kosovarë, ku si pasojë e përdorimit të armës së zjarrit njëri nga personat është plagosur. Viktima është dërguar në QKUK për tretman mjekësor. Në vendin e ngjarjes është gjetur dhe sekuestruar një pistoletë me 9 fishekë, një gëzhojë dhe një kaçavidë. Dy të dyshuari janë arrestuar dhe me vendim të prokurorit njëri është dërguar në mbajtje, ndërsa tjetri është liruar në procedurë të rregullt.