Pesë të lënduar nga një aksident në Ferizaj mes tri veturave
Një aksident trafiku me përfshirjen e tre veturave ka ndodhur në Ferizaj, duke lënduar pesë persona.
Ngjarja ka ndodhur pasditen e së dielës, rreth orës 18:15, në rrugën “Ahmet Kaçiku”, pranë nënkalimit.
Rastin për Nacionalen e ka konfirmuar zëdhënësi i Policisë së Kosovës për këtë rajon, Kanun Veseli. Ai bëri të ditur të lënduarit janë dërguar në Qendrën Emergjente të Ferizajt për trajtim mjekësor.
“Me datën 16.11.2024 rreth orës 18:15 në rrugën ”Ahmet Kaçiku” në Ferizaj në afërsi të nënkalimit ka ndodhur një aksident komunikacioni rrugor , ku janë përfshirë tri vetura. Veç dëmeve të shkaktuara materiale në vetura, lëndime trupore kanë pësuar pesë persona, të cilët për ndihmë mjekësore janë dërguar në Qendrën Emergjente në Ferizaj. Njësia e Hetimeve të Aksidenteve ka dalë në vendin e ngjarjes”, ka thënë Veseli.
