Përsëri probleme për Abazoviqin, shkak marrëveshja me kishën serbe

Qeveria malazeze miratoi të premten Marrëveshjen Themelore, e cila do të rregullojë marrëdhëniet midis Malit të Zi dhe Kishës Ortodokse Serbe, shkruan Radio Evropa e Lirë.

Sipas kryeministrit Dritan Abazoviq, marrëveshja u miratua pas më shumë se katër orësh diskutimi.

Për Marrëveshjen Themelore votuan 13 ministra, pesë e kundërshtuan dhe tre nuk morën pjesë në seancë.

Përkundër kundërshtimit të disa ministrave dhe shumicës parlamentare që mbështet Qeverinë, Qeveria miratoi Marrëveshjen për të cilën më parë ishin dakorduar kryeministri Dritan Abazoviq dhe patriarku Porfirije.

Qeveria e Dritan Abazoviqit, sipas zëvendëskryeministrit Rashko Konjevi, po humb kështu shumicën parlamentare.

Marrëveshja Themelore do t'i transmetohet Sinodit të Kishës Ortodokse Serbe në Beograd pas miratimit të këtij dokumenti, i cili gjithashtu duhet ta pranojë atë. Marrëveshja e përkohshme do të arrihet në ditën e nënshkrimit të Marrëveshjes në Mal të Zi, siç ishte paralajmëruar më parë nga Patriarku Porfirije dhe Kryeministri Abazoviq.