Përfundon protesta për 11-vjeçaren e dhunuar, pritet të vazhdojë ditëve të ardhshme
Ka përfunduar protesta e thirrur nga organizata feministe si dhe grupe jo-formale.
Protesta nisi para ndërtesës së Qeverisë së Kosovës dhe më pas u zhvendos pranë Prokurorisë Themelore të Prishtinës, ku u kërkua shkarkimi kryeprokurorit, Kujtim Munishi.
Kujtojmë se kjo është protesta e dytë e thirrur nga Kolektivi për Mendim dhe Veprim Feminist, pas rastit të dhunimit të një vajze 11 vjeçare nga pesë persona në Prishtinë, si dhe trafikimin nga 6 persona të tjerë gjatë muajit qershor.
Sot, në një konferencë për media ministri i Punëve të Brendshme, Xhelal Sveçla tha se 11-vjeçarja, është duke u dhunuar që një vit por askush nuk është arrestuar.
Protesta ka përfunduar sot, por janë paralajmëruar edhe protesta të tjera deri në marrjen e vendimeve konkrete nga Qeveria.