Pelegrinët myslimanë grumbullohen në Arafat
Rreth një milion pelegrinë myslimanë u grumbulluan të premten në Malin e Arafatit, në Arabinë Saudite, si pjesë e pelegrinazhit të haxhillëkut, që bëhet para festës së Bajramit të Kurbanit.
Pelegrinët me rroba të bardha u ngjitën në atë që njihet si Mali i Mëshirës. “Ndihem shumë i lumtur, është ndjenjë e çuditshme me një atmosferë shpirtërore. Është një atmosferë shumë e mirë shpirtërore, vërtet”, tha pelegrini tunizian, Afif Ghanmi, 58 vjeç.
