Peci flet për deklaratën e Hysenit ndaj Osmanit: Krahasim tejet i gërditshëm
Ministri i Bujqësisë, Faton Peci ka komentuar deklaratën djeshme të ish-ministrit të Jashtëm Skender Hyseni, i cili qasjen e presidentes Vjosa Osmani ndaj Joseph Borrell e quajti ngjasim me qasjen e Sllobodan Millosheviç dhe të Enver Hoxhës të cilët ishin armiqësuar me vendet perendimore.
Peci në T7 tha se deklarata e tij është skandaloze dhe e papranueshme.
“Nuk po menoj që është betejë, por një reagim njerëzor, sepse është tërësisht e papranueshme që çdo qytetar i Kosovës të krahasohet me kasapin e Ballkanit, Sllobodan Millosheviq. Në asnjë rrethanë, në asnjë mënyrë, nuk besoj që jo vetëm ndonjë përfaqësues politik, që kanë pas përgjegjësi institucionale në të kaluar ose që kanë sot, posaçërisht të shqiptarëve të Kosovës që ne guxojmë t’i dhamë vetit luksin e të bëjmë një krahasim i tillë që për mu ka qenë tejet i gërditshëm, e aq më tepër që vije nga një ish-ministër i jashtëm. Për më shumë, personalisht kur e kam parë e kam lexuar dy tri herë, sepse nuk mujsha me besu”, tha ministri.
Peci tha se nuk ka bërë reagim ndaj LDK-së, por ndaj Hysenit.
“Ne nuk po e lidhim me askënd, unë nuk e kom akuzu LDK-në, por personin në fjalë, kam bërë një reagim publik, e pash të nevojshme të reagojë”, tha Peci.
