Pas arrestimit të Maduros nga ShBA, Venezuela liron 80 të burgosur politik

Venezuela ka liruar të paktën 80 të burgosur politikë, një veprim që grupet e të drejtave të njeriut po e lidhin me presionet e Shteteve të Bashkuara mbi qeverinë e përkohshme pas arrestimit të presidentit Nicolás Maduro, raporton BBC .

Foro Penal, një organizatë e njohur venezueliane për mbrojtjen e të drejtave të të burgosurve, tha se po verifikon identitetet e atyre të liruar nga burgjet në të gjithë vendin dhe se “ka shumë mundësi që të ketë lirime të tjera”.

Kjo është një valë e re lirimesh që pason një sërë lirimesh të mëparshme që filluan javët e fundit.

Ndërsa autoritetet e Venezuelës, përfshirë presidenten në detyrë Delcy Rodríguez, kanë folur për qindra lirime, organizatat e të drejtave të njeriut thonë se shifra reale e të liruarve politikë mbetet më e ulët dhe shumë të tjerë ende janë në paraburgim.