Osmani takohet me Sarrazin, flasin për zhvillimet politike e të sigurisë
Presidentja e Kosovës, Vjosa Osmani është takuar me emisarin gjerman për Ballkanin Perëndimor, Manuel Sarrazin.
Presidenca përmes një komunikate për media, ka thënë se në takim është diskutuar për zhvillimet e fundit politikë dhe të sigurisë.
“Presidentja Osmani theksoi përkushtimin e Kosovës në procesin e integrimit evropian, duke shprehur mirënjohjen për mbështetjen e Gjermanisë.” – thuhet tutje.
“Ajo, në veçanti theksoi mbështetjen e plotë për Procesin e Berlinit dhe marrëveshjet e dalura nga ky proces.
Në të njëjtën kohë, Presidentja Osmani shtroi nevojën për vazhdimin e mbështetjes gjermane për forcimin e pozitës ndërkombëtare të Kosovës si dhe përmbushjen e aspiratave për anëtarësim në Këshillin e Evropës, NATO, BE dhe organizata të tjera ndërkombëtare.” – thuhet në fund të komunikatës.
