Osmani, Konjufca e Kurti nderojnë figurën e Shën Terezës

Krerët e shtetit, presidentja Vjosa Osmani, bashkë me kryeparlamentarin Glauk Konjfuca dhe me kryeministrin Albin Kurti kanë bërë homazhe të busti i Nënës Terezë në përvjetorin e 25 të vdekjes së saj.

Udhëheqësit e shtetit kanë nderuar figurën e saj duke thënë se ajo ka qënë gjithmonë afër popullit shqiptar.

“Prandaj sot, përkujtojmë me shumë krenari gjithë veprën e saj dhe shembullin që la pas duke treguar që janë dashuria, respekti e ndihma ndaj të tjerëve që duhet gjithnjë të jenë dritë udhërrëfyese në punën tonë të përditshme”, ka thënë Osmani.

Ndërsa, Kurti ka thënë se “Nëna Terezë dha gjithçka nga vetja e saj dhe nuk i mori asgjë botës”.

Ndërkaq Konjufca ka thënë se Shën Tereza, kurrë nuk e harroi kombin shqiptar.