Një muaj paraburgim për sulmuesin e policëve me kamion në Leposaviq

Gjykata Themelore në Mitrovicë ka caktuar 30 ditë paraburgim për personin A.D, i dyshuar për tri vepra penale ‘vrasje në tentative’, ‘kalim i paautorizuar i kufirit’ dhe ‘kontrabandim i mallrave’.

Sipas kërkesës së prokurorisë, i dyshuari të shtunën në fshatin Llazhinë të komunës së Leposaviqit, ka rrezikuar jetën e katër zyrtarëve policorë, duke mospërfillur urdhërata e policisë për të ndaluar kamionin në një pikë kontrolli.

I dyshuari gjatë ikjes me kamion në të cilin kishte kryesisht pije të kontrabanduara nga Serbia, ka goditur dy herë automjetin e policisë, ku si pasojë e goditjeve zyrtarët policorë, kanë marrë lëndime trupore.

Policët pasi arrijnë ta ndalin kamionin në fjalë, i dyshuari provon të ikë këmbë drejt malit, por i njejti arrestohet nga policia.