Nisma mban sot Konventën Politike: Veprat flasin
Nisma Socialdemokrate ka bërë të ditur se sot do të mbajë Konventën Politike.
Sipas njoftimit nga partia që udhëhiqet nga kryetari Fatmir Limaj, konferenca fillon në ora 14:00 në Hotel Emerald.
“FTESË PËR MEDIAT, të nderuar përfaqësues të mediave, Ju njoftojmë se, sot, datë 30 tetor 2022 (E Diel), do të mbahet Konventa Politike e Nismës Socialdemokrate. Kjo Konventë Politike do të mbahet në "Hotel Emerald", duke filluar nga ora 14:00. Ftojmë mediat që ta përcjellin këtë ngjarje”, thuhet në njoftimin e tyre në Facebook.
Nisma është aktualisht jashtë Kuvendit të Kosovës pasi në zgjedhjet e fundit parlamentare kishte marrë më pak se 5 për qind të votave.
