Nis vendosja e kamerave nëpër shkollat e Prishtinës
Drejtoresha e Arsimit në Komunën e Prishtinës, Besianë Musmurati, ka njoftuar se ka filluar të jetësohet plani për siguri në shkollat e kryeqytetit.
Ajo përmes një njoftimi në Facebook, ka thënë se kanë filluar të vendosin kamerat e sigurisë në shkollat në Prishtinë.
Musmurati ka thënë se rastet e dhunës në shkolla duhet të minimizohen dhe të bëhen hapa konkretë që rrisin sigurinë.
“Plani për siguri në shkolla ka fillu të jetësohet! Pas disa vitesh filluam të vendosim kamerat e sigurisë nëpër shkolla të Prishtinës. Rastet e dhunës në shkolla duhet të minimizohen dhe po bëjmë hapa konkretë që rrisin sigurinë. #BashkëeNdreqim”, ka shkruar Musmurati.
