Nga Oda Ekonomike i bëjnë thirrje Qeverisë t'i ndihmojë bizneset

Kryetari i Odës Ekonomike të Kosovës (OEK), Lulzim Rafuna ka bërë të ditur se me marrjen e detyrës së re do të jetë partnerë konstruktiv i të gjitha institucioneve përfshirë Kuvendin, Qeverinë dhe presidencën.

Rafuna theksoi se te gjitha bizneset janë duke u përballur me sfida të mëdha që nga koha e pandemisë e deri tani me çështjen e reduktimit të energjisë elektrike.

Me një dialog publiko-privat me Qeverinë dhe Kuvendin, Rafuna është i bindur se do të gjejnë zgjidhje që të ndihmojnë bizneset për t’i tejkaluar këto sfida.

“Bizneset tona janë duke u përballë me sfida të ndryshme. Sfida e parë ka qenë që kanë qenë të mbyllur gjatë pandemisë dhe mbijetesa mbas pandemisë. Tani shqetësim është çështja e reduktimit të energjisë elektrike”.“Dhe pritjet tona janë që me një dialog publiko-privat me qeverinë dhe kuvendin jemi të bindur që do t’i gjejmë zgjidhjet më të mira që ta ndihmojnë biznesin t’i tejkalojë sa më pak pasoja këto sfida”.