Nga "Ferizaj" në “Feriz Beu”, kërkohet ndryshimi i emrit të qytetit

Remzi Esati dëshiron ta riemërojë qytetin e Ferizajt “Feriz Beu”, duke pretenduar se është pasardhës i drejtpërdrejtë i Feriz Beut, i njohur edhe si themeluesi i Ferizajt.

70-vjeçari që posedon dokumentet ligjore nga kushëriri i tij i ndjerë ka kërkuar rikthimin e asaj që ai konsideron “trashegimi të Feriz Behut”.

“Trashëgiminë e Feriz Beut, me sjellë në sallë të kuvendit edhe me na e kthy trashëgiminë ashtu siç është e cekur në tapi e në gjithë dokumentet që unë i ruaj tash e disa vjet. Testamentet janë, dokuementat janë,” - tha ai.

Në anën tjetër, Komuna e Ferizajt, në një përgjigje për Klan Kosova, kanë thënë se Esati duhet të mbledhë nënshkrimet e qytetarëve në mënyrë që peticioni të përcillet në Kuvend Komunal për procedura të tjera.