25-vjetori i çlirimit, Policia e Kosovës kërkon mirëkuptim nga qytetarët për ndërprerje të përkohshme të qarkullimit
Policia e Kosovës në një postim në ‘Facebook’ njofton mediat dhe qytetarët se do të ketë ndërprerje të përkohshme të qarkullimit të automjeteve dhe riorientim të trafikut në rrugë alternative, pasi Institucionet e Republikës së Kosovës kanë paraparë manifestime të ndryshme për të shënuar ‘25 Vjetorin e Çlirimit’.
“Për nderim ndaj vendit tonë në këtë ngjarje do të marrin pjesë personalitete të rëndësishme vendore, rajonale e ndërkombëtare. Delegacionet e miqve të ftuar, do të kenë lëvizje bazuar në agjendat e parapara duke filluar nga 10 qershor deri me 13 qershor 2024”, njofton Policia e Kosovës.
