Momenti kur superjahti përmbytet afër Italisë

Në internet janë publikuar pamje të një superjahti duke u përmbytur në Detin Mesdhe.

Mjeti 40-metërsh i lundrimit u ballafaqua me vështirësi rreth 15 kilometra larg Catanzaro Marina-s në Itali, raporton televizioni BBC.

Roja bregdetare italiane i shpëtoi të nëntë personat që ndodheshin në jaht – katër pasagjerë e pesë anëtarë të ekuipazhit.

Kur u fundos, jahti ishte nisur nga Gallipoli drejt Milazzo-s. Autoritetet po e hetojnë shkaktarin e fundosjes.