Molliqaj: Me pranimin e planit franko-gjerman, Kurti po e tradhton republikën
Kryetari i Partisë Socialdemokrate, Dardan Molliqaj, e ka akuzuar kryeministrin e Kosovës se po e tradhton Kosovën.
Kjo sipas Molliqajt, nëse e pranon planin franko-gjerman që s’ka njohje dhe e mundëson Asociacionin.
Postimi i Molliqajt:
ASOCIACIONI, TRADHTI NDAJ REPUBLIKËS
Nuk ka edhe Republikë edhe Asociacion. Prandaj nuk mund edhe ta duash Republikën edhe ta pranosh Asociacionin.
Plani franko/gjerman është normalizim i mosnjohjes nga Serbia.
Plani franko/gjerman e kontrabandon Asociacionin dhe negociatat i bën proces të pafund.
E me pranimin e këtij plani, Albin Kurti po e tradhton Republikën e shoqërinë tonë.
Ai me fajin e tij e solli veten para dy opsioneve të vetme të mundshme: dorëheqjes ose tradhtisë. E para është mundësi për shtetin e shoqërinë. E dyta ështe degradim e rrënim i Republikës.
