Mjekët e QKUK-së vizitojnë në Hagë Thaçin dhe Veselin
Infektologu, Salih Ahmeti dhe urologu, Bashkim Gllareva kanë vizituar ish Presidentin e Kosovës Hashim Thaçi dhe ish kryeparlamentarin Kadri Veselin në Hagë.
Përmes një postimi në llogarinë e tij në Facebook, urologu Gllareva kanë njoftuar se sot gjatë ditës kanë qëndruar në Hagë për të vizituar ish krerët e UÇK-së.
Gallareva shkruan se Thaçi dhe Veseli kanë sakrifikuar për Kosovën dhe ende janë duke sakrifikuar.
“Kështu i njohim dhe kështu po vazhdojnë të qëndrojnë edhe në këtë vend të huaj, ku padrejtësisht po mbahen. Dinjitetshëm, UÇK-në tani po e mbrojnë edhe në Hagë”, ka shkruar ai.
Gjatë vitit 2020 Gllareva e pati trajtuar ish Presidentin Thaçi në një intervenim në veshkë.
Postimi i plotë:
Nuk u dorëzuan dhe nuk u ndalën. Rezistuan, punuan dhe e krijuan UÇK-në. E rritën, luftuan dhe u bënë çlirimtarë.
Për UÇK-në, për lirinë dhe popullin tonë, për të kaluarën, të tashmen e të ardhmen e Kosovës, ata ende po sakrifikojnë.
Zemërluanë dhe të pathyeshëm!
Kështu i njohim dhe kështu po vazhdojnë të qëndrojnë edhe në këtë vend të huaj, ku padrejtësisht po mbahen. Dinjitetshëm, UÇK-në tani po e mbrojnë edhe në Hagë!
Sa të ketë jetë mbi tokën e Kosovës, përjetë do u jemi mirënjohës.
Krenar me veprën, idealet dhe virtytet tuaja. Krenar me JU, çlirimtarë!
Shqiptarët, kudo që janë, krahëhapur po ju presin!
