Ministri Mehaj takohet me përfaqësues të NATO-s, diskutojnë për rolin e KFOR-it në Kosovë
Ministri i Mbrojtjes, Armend Mehaj, përmes një postimi në llogarinë e tij në Twitter ka njoftuar se sot ka zhvilluar një takim me përfaqësuesit e NATO-s.
Mehaj, ka thënë se me këta përfaqësues ka diskutuar për rolin e KFOR-it në Kosovë dhe për progresin e reformës së sektorit të sigurisë.
“Takimi i shkëlqyeshëm me aleatët e interesuar të NATO-s, organizuar nga Delegacioni i Britanisë së Madhe në NATO në krye me ambasadorin David Quarrey. Diskutim shumë i rëndësishëm për progresin e reformës së sektorit të sigurisë, rolin thelbësor të KFOR-it dhe marrëdhëniet e shkëlqyera e kontributi i NATO-s në Kosovë”, ka shkruar Mehaj.
Great meeting with interested Allies @NATO, hosted by the 🇬🇧 @UKNATO Ambassador @DavidQuarrey. Very important discussion on the security sector reform progress, the essential role of @NATO_KFOR & excellent relations & contribution of the #NATO-#NALT in 🇽🇰#Kosovo. pic.twitter.com/zW4naImx96
— Armend Mehaj (@armend_mehaj) February 7, 2023
