Memli Krasniqi përdor gjuhë patriarkale
Kryetari i Partisë Demokratike (PDK) ka përdorur gjuhë patriarkale në një status në Facebook që i dedikohet Grevës së Përgjithshme te punëtorët e sektorit publik.
Qysh në fjalën e parë të statusit të tij, z. Krasniqi përdor fjalën “burrështetas” që sot konsiderohet të jetë fyes për gratë në përgjithësi, e veçanërisht ato që marrin pjesë në politikë.
Gjuha shqipe nuk ofron kurrfarë ekuivalenti të “burrështetasit” për gratë, gjë që e bën përdorimin e termit mjaft problematik – e veçanërisht kur përdoret në përshkrimin e situatave universale.
“Burrështetasit nga pushtetarët i ndan mënyra se si e shohin karakterin e qeverisjes.” – ka thënë z. Krasniqi, që nuk besohet ta ketë pasur fjalën vetëm për liderët shtetërorë burra.
Kosova ka një lidere shtetërore grua, ashtu siç e kanë edhe dhjetëra shtete tjera të botës.
Për më keq, z. Krasniqi është mjaft i ri në moshë (42 vjeçar) dhe shihej si një lider që potencialisht mund të ofronte një gjuhë më gjithëpërfshirëse në politikën e Kosovës.
Në atë status, megjithatë z. Krasniqi paraqet disa fjali që mund të konsiderohen të drejta duke denoncuar Kurtin për mungesën e dialogut social me sindikatat. Specifikisht, z. Krasniqi denoncon Kurtin në lidhje me takimin e sotëm të pafrytshëm me Rrahman Jasharajn.
Për fat të keq, në të kaluarën fjalën "burrështetas" e kishte përdorur edhe kryeministri i Kosovës, Albin Kurti.
Statusi i plotë dhe pa ndërhyrje:
