Memli Krasniqi niset për në ShBA, paralajmëron takime të rëndësishme
Pas përfundimit në Bruksel, ku pati disa takime me diplomat evropianë, ndër ta edhe me përfaqësuesin special të Bashkimit Evropian për dialogun Kosovë – Serbi, Miroslav Lajçak, tanimë ka marrur rrugë për në Shtetet e Bashkuara të Amerikës.
Në llogarinë e tij në Facebook, Krasniqi ka shkruar se është rrugës për në ShBA ku do të ketë takime që i ka quajtur të rëndësishme.
“Pas dy ditëve me takime të shumta dhe produktive, përfundova vizitën zyrtare në kryeqytetin e Evropës - në Bruksel. Tani jam rrugës për në Shtetet e Bashkuara të Amerikës, për të tjera takime të rëndësishme, në shërbim të Republikës së Kosovës!”, ka shkruar Krasniqi.
Përveç Krasniqt, në ShBA ndodhet edhe lideri tjetër opozitar, Lumir Abdixhkiu i cili është pritur në Departamentin Amerikan të Shtetit nga Zëvendësndihmës Sekretari i Shtetit dhe i Dërguari i Posaçëm i SHBA-ve për Ballkanin Perëndimor, Gabriel Escobar.
